GHURBAT ME JAWANI KA SAFAR KAAT RAHA HAI,
VO APNI TAMANNAO-N KE PAR KAAT RAHA HAI,
MALOOM HAI AMAADY-E PAIKAAR HAI SOORAJ,
US PAR BHI VO ANGAN KA SHAJAR KAAT RAHA HAI,
VO BAAP KI IZZAT KO LIYE BAITHI HAI VARNA,
BARSO-N SE OSE BAAP KA GHAR KAAT RAHA HAI,
KIS DARJA BHAROSA HAI USE AZMO AMAL PAR,
JO PHUL SE PATHTHAR KA JIGAR KAAT RAHA HAI,
URNE BHI NAHI-N DETI HAI DHARTI KI MOHABBAT,
EHSAAS BHI YE HAI KOYI PAR KAAT RAHA HAI,
aqeel nomani
No comments:
Post a Comment