munawwar rana

kahaa,n rona hai mujhko deeda-e purnam samajhta hai,
main mausam ko samajhta hu mujhe mausam samajhta hai,

zabaa.n do chaahne vaalo ko shaayed door kar degi,
main bangla kam samajhta hu vo urdu kam samajhta hai,

hamaare haal se sab chaahne vaale hain nawaaqif,
magar ek bewafa hai jo hamara gham samajhta hai,

mohabbat karne vaala jaan ki parva nhi karta,
vo apne paanv ki zanjeer ko resham samajhta hai,

kahaa,n tak jheel me pani rahe aankhen samajhti hai,n
kahaa,n tak zakhm ko bharna hai ye marham samajhta hai,

munawwar rana.